¡Nueva tienda online embutidoshervella.com!

Sois todos bienvenidos a nuestra nueva tienda online dedicada a la venta de embutidos ARTESANOS.

Celebramos el lanzamiento de la nueva tienda online ofreciendo un 10% de descuento insertando el código

3I5A3C6N

A la venta en nuestra web Chorizos ,Salchichón ,Androlla ,Botelo ,Pigureiro... Todo hecho a mano, con materias primas de alta calidad.

Coa “parva”, almorzo previo á matanza a base de embutidos, queixo, viño e licores, arrancaba a VIII edición das Xornadas Gastronómicas e de Recuperación do Porco Celta que se están desenvolvendo en Manzaneda.

Na mañá do sábado 5 de decembro, tralo aperitivo e a inauguración por parte do presidente da Asociación Porco Celta Manzaneda, Juan Hervella e do xerente do Inorde, José Manuel Rodríguez, procedíase á matanza tradicional dun porco criado na explotación da asociación (sacrificio, pelado, lavado…), antes do xantar previsto para as 14 horas no Hostal-Restaurante O’Pendón.

De forma paralela, o pavillón polideportivo da vila acolle durante toda a fin de semana unha mostra de artesanía con produtos gastronómicos da zona (embutidos, bicas, pan, viño, queixo…) e tamén artigos de madeira, abaloiros, etc, sen esquecer un posto do Inorde (copatrocinador das xornadas xunto ao Concello de Manzaneda).

Para o domingo 6 de decembro, no mesmo recinto da mostra, está prevista a terceira edición do concurso de cociña con carne de Porco Celta.

Reportaxe na fabrica de elaboracion de "Las tres HHH"

Descubrir e desfrutar dos sabores de Galicia e do Norte de Portugal a través dos seus viños, meles, queixos, embutidos, marmeladas ou doces é posible percorrendo o Salón Gastronómico dos Produtos de Excelencia da Eurorrexión, que está tendo lugar na fin de semana do 17 e 18 de outubro nunha carpa instalada na Alameda de Ourense.

Esta mostra, na que participan unha vintena de produtores (boa parte deles do oriente ourensán), abría as súas portas na mañá do 17 de outubro cun acto inaugural no que participaban os alcaldes do Barco, acompañado pola concelleira de Turismo e Comercio, Irene Dacal, e de Ourense. Así o rexedor barquense, Alfredo García, explicaba o proxecto europeo no que se enmarcha este salón, que está promovido polo Eixo Interior e do que forman parte os concellos do Barco, Sarria e Barcelos (Portugal), xunto coa Deputación de Ourense e o Eixo Atlántico. Nel lévase a traballar os tres últimos anos. Destacaba asemade o valor do selo “Excelencia”, creado a través desta iniciativa, e tamén o feito de que actualmente ampare case 50 produtores de Galicia e do Norte de Portugal. “Este é ademais un proxecto con vontade de continuar. De feito en decembro presentaremos unha nova solicitude de fondos europeos”, adiantaba o rexedor.

O acto inaugural pechábase coa intervención do alcalde de Ourense, Xesús Vázquez, quen daba a benvida a todos os produtores, “que tratan de potenciar o noso rural e de encontrar nel un modo de vida”. Tamén expresaba o seu desexo de que “esta mostra sexa un éxito”.

Este certame reúne a dez adegas, das que seis son da Denominación de Orixe Valdeorras (Alán de Val, Cooperativa Xesús Nazareno, Godeval, Roandi, Pagos de Galir e Santa Marta), dúas da D.O. Ribeira Sacra (Ladeira da Mata e Mondelo), unha da D.O. Ribeiro (Bodegas Cunqueiro) e outra de Portugal (Caves de Valpaços). Tamén se pode visitar o expositor da empresa de Embutidos Hervella, así como a da Queixería As Almendreiras. No apartado de doces figuran os stands de Biquinho Doce, Bicas de Trives e Torta de Sarria e hai tamén cinco expositores de produtos do campo: Aceiroga, Terra de Baronceli, Caurelor, Posada e Mel do Castro.

O recinto feiral ten un horario de apertura ao público de 11 a 14h. durante a mañá e de 17h. a 21h. pola tarde. Ademais de degustacións, inclúe actividades como a cata popular de viños celebrada na tarde do sábado e que estivo dirixida pola sumiller Mercedes González quen explicaba o proceso da cata e as características de viños coa marca Excelencia presentes no salón.